Bæsj, tiss og dopapir… er alt som skal i do. Andre ting kan føra til at røyra vert tette.
Kontaktlinser, eingongsklutar, q-tips, bind, tampongar, truser… Ingenting av dette skal i do.
Boss i toalettet fører til meir plast i havet, skader livet i sjøen, forsøplar strender og øydelegg røyr og avlaupspumper.
Boss som tetter til i røyra dine kan også gi deg store utgifter og kloakk i kjellaren.
Ha ei bossbøtte på badet med pose i, så er det lett å kasta bosset der.
Dette skal ikkje i do
- Q-tips
- våtserviettar
- feitt
- plastfolie
- tampongar og bind
- kontaktlinser
- eingongsklutar
- sminkefjerningspad
- kondomar
- truser
- filler
- tanntråd
- hår og lo
- snus og sneip
I tillegg til at avløpsrøyr blir tette, bidrar du også til at store mengder plast hamnar i havet. Mange av produkta som havnar i toalettet inneheld store delar plast, som våtserviettar og eingongsklutar, sanitærartiklar og emballasje til desse, sigarettsneipar, linser og tanntråd. Me må unngå at slikt boss hamnar i havet og bryt ned til mikroplast.
Tette avløpsrøyr
Kloakken i avløpsrøyra passerer avløpspumper, som pumpar det vidare mot reinseanlegget. Men nokre gonger må avløpsvatnet gå ut i sjøen i det me kallar overløp. Då følgjer ofte boss me kastar i do med til havs.
Slike overløp til sjøen er viktige tryggleiksventilar. Dei hindrar at kloakken ikkje vert sendt tilbake i røyrene og hamnar i kjellarar. Der skaper han helseproblem og andre problem for folk.
Det kan ta frå nokre timar til mange dager før pumpa er reparert og overløpet er stoppa. I verste fall må ho bytast ut. Stord kommune har over 40 pumpestasjonar som transporterer avløpsvatnet der det skal. Ditt gode dovett er med på å halde dei i drift.
Det finst i dag mikroplast i både sjødyr, fisk og fugl, fordi me menneske forureinar sjøen – vårt eige matfat gjennom alle tider.
Avløpsgebyret aukar
Drift av vatn- og avløpsnettet i kommunen er finansiert av gebyr.
Avløpspumper som vert øydelagt, avløpsrøyr som må reinskast og boss som må fjernast frå pumpestasjonar, gir kommunen ekstra utgifter.
Det bidrar til å auka avløpsgebyret, som alle huseigarar betalar.
