Prosjektperiode: Januar 2024 – januar 2030
Plassering:
Prosjektinfo:
Prosjektet for etablering av nytt reinseanlegg på Skjersholmane skal:
- Regulera tomt for det nye anlegget
- Planleggja nytt sekundærreinseanlegg
- Byggja nytt sekundærreinseanlegg
Stord Vatn og Avløp AS har kontrahert Norconsult AS som rådgjevar for prosjektet.
Anlegget på Skjersholmane skal reinsa alt kommunalt avløp frå Fjellgardane i nord til Dyvik-området i sør-vest. Avløpet skal pumpast via totalt 16 nye avløpspumpestasjonar. Det skal leggjast ned 2,5 mil med røyr, både i sjø og over land. Prosjektet har per 2024 ein stipulert kostnad på kr. 1,7 milliardar kroner, med ei uvisse på +/- 40%. Kostnaden er fordelt med kring 50/50 på reinseanlegg og på infrastruktur/avløpspumpestasjonar. Planen er at avløpsreinseanlegget og tilhøyrande overordna infrastruktur (røyr og 16 avløpspumpestasjonar) skal vera driftsklart januar 2030.
Det reinsa avløpsvatnet er planlagt slept ut på kring 60 meters djupne utanfor Skjersholmane. Avløpsslammet som vert produsert på anlegget skal enten komposterast, brennast eller brukast i produksjon av biogass.
Per i dag er ligg det i planane at både administrasjon og drift i Stord vatn og avløp AS skal inn i eigne nye lokale på Skjersholmane, på same tomt som nytt avløpsreinseanlegg.
Her ser ein plassering av nytt sekundærreinseanlegg samt tilhøyrande overordna infrastruktur (røyr og avløpspumpestasjonar).
