Arbeidsoppgåvene her er utbetring av vasslekkasjar, lekkasjekontroll, avløpspumpestasjonar/reinseanlegg, fornying av kummer/leidningsnett, reparasjonar av hydrantar, internkontroll på leidningsnettet, utskifting av vatn på endeleidningar og vedlikehald av veger til demningar og drikkevasskjelder. I tillegg hjelper me eksterne og interne med graveløyve og stenging av vatn ved arbeid på leidningsnettet.
To stillingar er dedikert til lekkasjekontroll, der me jobbar med å finna lekkasjar både på kommunale og private vassleidningar. Våre tilsette har fleire ulike typar lytteutstyr for å søka opp vasslekkasjar, men finn og lekkasjar gjennom driftskontrollar (sonemåling), logging på nattetid, avlesing av loggar, grovsøk/marklytting, merking og graving.
Når det vert funne lekkasje, vert det sjekka ut om den er privat eller kommunal leidning. Lekkasjar på private leidningar må private leidningseigarar utbetra. Stord Vatn og Avløp AS reparerer lekkasje på kommunale leidningar.
Dei siste åra har me søkt oss fram følgande vasslekkasjar:
2022:
Private: 36 stk
Kommunale: 28 stk
2023:
Private: 17 stk
Kommunale: 8 stk
2024:
Private: 15 stk
Kommunale: 7 stk
2025:
Private: 9 stk
Kommunale: 7 stk Utbetringa av lekkasjar i vassnettet gir resultat, og me ser at frå 2020 til 2025 er vassforbruket på nattetid redusert frå ca.120 liter per sekund til 45 liter per sekund.
